Estratatik

 Ttikitatik gustatu izan zait artea. Haurra nintzela, Tomas Sobrinoren klaseetara bidali ninduten gurasoek. Ikaragarri gustuko nuen marraztea, margotzea, koloreak nahastea… Erretratua ez nuen inoiz menderatu, baina eraikinak kopiatu eta diseinatzea beti izan dut gogoko, eta nahikoa ongi ematen zait. Pinturak dauzkan hamaika generoen barrenean paisajismoa dut gustuen, eta margolari paisajistak aztiak iruditzen zaizkit, haien koadroetan islatzen duten naturaren magiagatik. Gure herriak margolari zenbait eman ditu, denak ere genero honetan ibiliak eta hau genero bakartzat daukatenak; haien izenak maiz ikusten ditugu hedabideetan, sariketaren bat irabazi, lanen bat saldu edo erakusketaren bat egin dutelako. Gaurkoan, iraganari eta letra larrizko arteari bistadizo bat eman nahi nioke, paisajismoaren esparruan estatu mailako maisu izan zen herritar bati buruz solasean aritzeko: Elías Garralda Alzugaray. Iturria: https://www.bonart.cat Ez nuen pertsonalki ezagutu, erran nahi baitu ez...

Garai bateko bertso idatzietan data aipatzeko ohitura izaten zen. Nahikoa da Orioko balearen bertsoen hasiera gogotan hartzea (  Mila bederatzieun da /  lehenengo urtian /  maiatzaren amalau / garren egunian...)  edo Xenpelarren hainbat bertso idatziri erreparatzea ( Agoztuaren ogei ta biyan /   para dirate lazua...) ; erran genezake garaiko topiko literario bat zela. Kasu honetan, goiburuan jarri dudan bertso-lerroa lesakartutako igantziar bati zor diogu: Paulo Iantziri. Aintzinerago idatziko dut bere biografiaren inguruan, eta etorkizunean ere bere bertsogintzaren baratzetik ondutako zenbait lore ere eskainiko dizkizuet, izan ere bertso jarrietarako grazia eta estilo baitzuen. Sarrerari izena ematen dion bertso-lerroa "Iñauteriyetako deia Euskalerriyari" izeneko sortatik atera dut. Adin bateko herritar zenbaiten artean oraindik ezagunak dira bertso hauek, bai eta haiekin denbora pasa duten gazteagoen artean ere. Bertsolaritzaren muina, "atzo" arte, ahozk...

Iturria: Irati Aizpurua. https://www.diariodenavarra.es/  Eus:  Artikulu hau Nafarroako Unibertsitateko Nafarroako Arte eta ondare katedrako buru den Ricardo Fernandez Graciak eskatuta idatzi nuen. Fernadez Gracia nere irakaslea izan zen eta harreman estua daukagu. Aunitz eskertu nion eskaintza, nahiz eta heraldika eta vexilologian ez naizen ni oso aditua eta ezt aritua ere. Gaiaren inguruan hagitzez gehiago idatzi daiteke, baina espazio kontua zela eta testua laburtu behar izan nuen. Gai honi buruz sakonago jakin nahi duenak Andoni Esparza Leibarren lan artikuluak dauzka. Andoni gai honetan Nafarroa mailan dagoen pertsona adituenetakoa da eta gure inguran edukitzea zortea da. Bere aholkuak jarraitu nituen artikulu labur hau idazteko. Jose Luis Etxegarairen laguntza ere eduki nuen.  Eskerrak biei. Jatorrian artikulua gazteleraz idatzi nuenez hizkuntza horretan jarri dut lehenik.   Cast: Escribí este artículo por encargo de Ricardo Fernández Gracia, direct...